SIĞORTA

Dövlət Məşğulluq Xidməti bu il 1130 nəfərə işsizlikdən sığorta ödənişi təyin edib
14 AVQUST
93

Dövlət Məşğulluq Xidməti bu il 1130 nəfərə işsizlikdən sığorta ödənişi təyin edib

2019-08-14 11:41:00

Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti cari ilin ötən dövründə  1130 nəfərə işsizlikdən sığorta ödənişi təyin edib.Fins.az  Müəssisənin ləğvi və ya işçilərin (yaxud ştatların) sayının ixtisar edilməsi nəticəsində işini itirmiş və aidiyyəti rayon (şəhər) Məşğulluq Mərkəzində işsiz kimi qeydiyyata alınmış şəxslərə qanunvericiliyə uyğun olaraq, işsizlikdən sığorta ödənişi verilir. İşsizlikdən sığorta Dövlət Məşğulluq Xidmətinin rayon (şəhər) Məşğulluq Mərkəzlərində qeydiyyata alındıqdan sonra işsiz kimi qeydiyyata düşmək hüququ yaranan və azı 3 il sığorta stajı olan şəxslərə təyin edilir.

Sığorta ödənişi işsiz şəxsin sığorta stajından asılı olaraq onun orta aylıq əmək haqqının məbləğinə faiz dərəcələri tətbiq olunmaqla hesablanır.

© Materiallardan istifadə edərkən hiperlinklə istinad olunmalıdır