SƏNƏDLƏR

Magistratura səviyyəsi üzrə AMEA-da yeni maliyyələşmə mexanizmi tətbiq edilir
07 OKTYABR
171

Magistratura səviyyəsi üzrə AMEA-da yeni maliyyələşmə mexanizmi tətbiq edilir

2019-10-07 16:09:00

Magistratura səviyyəsi üzrə AMEA-da yeni maliyyələşmə mexanizmi tətbiq edilir

Fins.az xəbər verir ki, “Ali təhsil müəssisələrində və magistratura səviyyəsi üzrə Azərbaycan Milli Elmlər Akademiyasında yeni maliyyələşmə mexanizminin tətbiq edilməsi haqqında” Nazirlər Kabinetinin 2010-cu il 25 iyun tarixli 120 nömrəli qərarında dəyişiklik edilib.  Bununla bağlı Baş nazir Novruz Məmmədov qərar imzalayıb.

Qərarda Nazirlər Kabineti Təhsil Nazirliyinin və Maliyyə Nazirliyinin təklifləri nəzərə alınıb.

1 nömrəli əlavə ilə ayrı-ayrı ixtisaslar üzrə dövlət sifarişi ilə ali təhsil müəssisələrinin bakalavriat və əsas (baza ali) tibb təhsili səviyyəsində hər bir təhsilalana düşən təhsil xərclərinin miqdarı yeni redaksiyada təsdiqlənib.

2 nömrəli əlavə ilə ayrı-ayrı ixtisaslar üzrə dövlət sifarişi ilə ali təhsil müəssisələrinin, magistratura səviyyəsi üzrə Azərbaycan Milli Elmlər Akademiyasının magistratura və rezidentura səviyyələrində hər bir təhsilalana düşən təhsil xərclərinin miqdarı yeni redaksiyada təsdiq edilib.

 Qeyd edək ki, bu qərar 2019-cu il sentyabrın 1-dən tətbiq edilir.

© Materiallardan istifadə edərkən hiperlinklə istinad olunmalıdır