KƏND TƏSƏRRÜFATI

Beyləqanda mexanizatorlar üçün növbəti maarifləndirici tədbir keçirilib
07 AVQUST
94

Beyləqanda mexanizatorlar üçün növbəti maarifləndirici tədbir keçirilib

2019-08-07 15:07:00

Beyləqan rayon Dövlət Aqrar İnkişaf Mərkəzində Kənd Təsərrüfatı Nazirliyi yanında Aqrar Xidmətlər Agentliyinin (AXA), Dövlət Yol Polisi İdarəsinin və yerli icra hakimiyyəti orqanlarının nümayəndələrinin iştirakı ilə tədbir keçirilib. Tədbirdə sahibkarlar, özəl aqroservislərin nümayəndələri və mexanizatorlar iştirak ediblər. 

Tədbirin əsas məqsədi yol hərəkəti qaydalarına düzgün riayət edilməsi, yol hərəkəti təhlükəsizliyinin təmin edilməsi, özəl aqroservislərin fəaliyyətinin genişlənməsi ilə bağlı maarifləndirmə işlərinin aparılması olub. 

Tədbirdə çıxış edən Aqrar Xidmətlər Agentliyinin əməkdaşı Azər Qarayev Agentlik tərəfindən son zamanlar bu sahədə həyata keçirilən tədbirlər, göstərilən xidmətlərin əhaliyə əlçatanlığının təmin edilməsi, vətəndaş məmnunluğunun daha da artırılması istiqamətində görülən işlər və innovativ texnologiyalar barədə ətraflı məlumat verib.

Sonda qeyd edilən məsələlər barədə geniş fikir mübadiləsi aparılıb, iştirakçıları maraqlandıran suallar cavablandırılıb.  Həmçinin, iştirakçılara xidmətin fəaliyyətini və xidmətə görə ödəniləcək rüsumları əks etdirən bukletlər paylanılıb.

Bu cür tədbirlər mütəmadi keçirilir. Növbəti tədbirin Qobustan rayonunda kecirilməsi nəzərdə tutulur.

© Materiallardan istifadə edərkən hiperlinklə istinad olunmalıdır