BÜDCƏ

AİB Azərbaycana 295 milyon dollar məbləğində kredit ayıracaq
30 İYUL
180

AİB Azərbaycana 295 milyon dollar məbləğində kredit ayıracaq

2019-07-30 16:31:00

Asiya İnkişaf Bankı (AİB) 2020-2022-ci illərdə Azərbaycana 295 milyon dollar məbləğində kredit ayıracaq.

Fins.az bu barədə bankın Azərbaycan üzrə üçillik biznes planına istinadən məlumat verir.

Plana əsasən, AİB makroiqtisadi dayanıqlığın təmin olunması, dövlət idarəçiliyinin səmərəliliyinin artırılması, infrastrukturun təkmilləşdirilməsi, kiçik və orta biznesin dəstəklənməsi, bank olmayan kredit təşkilatlarının inkişafı layihələri üçün kredit ayıracaq.

Hesabat dövründə bank, həmçinin Azərbaycana 5,8 milyon dollar məbləğində texniki yardım göstərəcək.

Bundan başqa, bank 2022-ci ildə Azərbaycana enerji, təhsil, infrastrukturun təkmilləşdirilməsi və dövlət idarəçiliyinin səmərəliliyinin artırılması sahələrində 4 layihə üçün 450 milyon dollar kredit ayıra bilər.

 

© Materiallardan istifadə edərkən hiperlinklə istinad olunmalıdır