BANK

Beynəlxalq kart təşkilatları Azərbaycan banklarına daha bir qadağa qoyub
19 SENTYABR
316

Beynəlxalq kart təşkilatları Azərbaycan banklarına daha bir qadağa qoyub

2019-09-19 17:17:00

Gələn ildən Azərbaycan banklarının plastik kart istifadəçiləri statik 3D kodlarından yararlana bilməyəcəklər. 

Fins.az bank sektorundakı mənbəyə istinadən xəbər verir ki, "Visa International" və "Mastercard" beynəlxalq kart təşkilatları yerli banklara bununla bağlı qadağa qoyub. 

Beləliklə, 2020-ci ildən ölkədə yalnız dinamik 3D kodlarından istifadə etmək mümkün olacaq. Beynəlxalq şirkətlər qadağanı statik kodların təhlükəsizlik baxımından etibarsız olması ilə əlaqələndiriblər. 

Qeyd edək ki, statik kodları kart sahibləri bir dəfə müəyyən edir və əməliyyatlar zamanı həmişə ondan istifadə edirlər. Bu isə statik kodların ələ keçirilməsini asanlaşdırır. Dinamik kodlar isə daima yeni olur. 

(c)report

© Materiallardan istifadə edərkən hiperlinklə istinad olunmalıdır