SƏNAYE

OPEC+ İraq və Nigeriyada neft hasilatının lazımi qədər azaldılmaması məsələsini müzakirə edib
12 SENTYABR
80

OPEC+ İraq və Nigeriyada neft hasilatının lazımi qədər azaldılmaması məsələsini müzakirə edib

2019-09-12 16:07:00

OPEC+ Nazirlərin Monitorinq Komitəsinin (JMMC) Əbu-Dabidə keçirilən iclasında saziş iştirakçılarının neft hasilatını azaltması, o cümlədən İraq və Nigeriyada hasilatın lazımi qədər azaldılmaması məsələsi müzakirə edilib.

Fins.az xəbər verir ki, bu barədə TASS-a danışıqlarda iştirak edən mənbə məlumat verib.

Bildirilib ki, kvotalara uyğunluq səviyyəsi müzakirə edilib: "İraq və Nigeriya öhdəliklərini zəif yerinə yetirir".

Qeyd edək ki, JMMC Əbu-Dabidə keçirilən iclasda neft hasilatının məhdudlaşdırılması ilə bağlı sazişin həyata keçirilməsini və bazardakı vəziyyəti müzakirə edəcək. Komitəyə Venesuela, Küveyt, Əlcəzair, Oman, Rusiya, Səudiyyə Ərəbistanın nümayəndələri daxildir.

OPEC+in hasilatın azaldılması üzrə sazişi 2020-ci ilin mart ayının sonuna qədər qüvvədədir və neftin qiymətini sabitləşdirmək üçün nəzərdə tutulub. Ümumilikdə sazişin şərtlərinə uyğun olaraq, iştirakçı ölkələr hasilatı 2018-ci ilin oktyabrındakı səviyyədən gündəlik 1,2 milyon barel azaltmalıdır.

© Report

© Materiallardan istifadə edərkən hiperlinklə istinad olunmalıdır