SƏNAYE

Azerlime suvaq üçün əhəng məhsulu bölgələrdə tanıdılır
07 AVQUST
94

Azerlime suvaq üçün əhəng məhsulu bölgələrdə tanıdılır

2019-08-07 16:22:00

Sement və gips əsaslı məhsulların Azərbaycanda ilk istehsalçısı olan “Mətanət A” şirkəti peşəkar tikinti ustalarının bir çətir altında birləşdiyi “Ustalar Klubu”nun da ölkəmizdə ilk yaradıcılarındandır. Ustaların bilik və bacarıqlarının artırılmasını qarşısına məqsəd qoyan Ustalar Klubunda tez-tez ustalarla görüşlər keçirilir, treninq və seminarlar təşkil olunur, “Mətanət A” şirkətinin məhsulları ilə bağlı ətraflı məlumatlar verilir. Klubun ötən ayın sonlarından AZERLİME suvaq və hörgü üçün əhəng məhsulunun tanıdılması məqsədilə başlatdığı silsilə görüş - tədbirlər bölgələrdə davam edir. Təlimlərin  növbəti ünvanı Cənub bölgəsi olub. Lənkəran şəhərində baş tutan təlimdə Lerik, Masallı, Astara, Cəlilabad, Biləsuvar və Lənkəran rayonlarından dörd yüzə yaxın usta və “Mətanət A” şirkətinin məhsullarının daimi müştəriləri iştirak edib. İştirakçılar əvvəlcə tədbir məkanının foyesində təşkil olunan sərgidə “Mətanət A” şirkətinin məhsulları ilə tanış olublar. Daha sonra onlara AZERLIME suvaq üçün əhəng məhsulu ilə bağlı ətraflı məlumat verilib. Təlimə qatılan yüzlərlə usta inşaat sektorunda unikal məhsul olan AZERLIME suvaq üçün əhəng məhsulunun hazırlanması və istifadəsi qaydaları ilə tanış olublar. Məhsulun üstün cəhətləri onlara əyani vəsaitlərlə nümayiş etdirilib.

Qeyd edək ki, AZERLİME suvaq və hörgü üçün əhəng məhsulu qum - sement qarışığına qatılaraq əhəngli suvaq əldə edilir. Avropada, inkişaf etmiş ölkələrdə artıq geniş yayılmış əhəngli suvaq ənənəsini təqdim edən AZERLİME suvaq üçün əhəng məhsulu inşaat sektorunda, suvaq və hörgü işlərinin görülməsində unikal bir məhsuldur. AZERLİME məhsulu suvağın hazırlanmasında istifadə olunan sementi 50 % azaldır, eyni zamanda suvağın möhkəmliyini normada saxlayır və yekunda suvaq xərcinə 25%-ə qədər də  qənaət edir. 

Təlim zamanı “Mətanət A” şirkətinin mütəxəssisləri ustaların AZERLIME suvaq üçün əhəng məhsulunun tətbiqi ilə bağlı suallarını da cavablandırıblar. Təlimlərin sonunda iştirakçılar arasında lotoreya çəkilişi həyata keçirilib, qaliblərə dəyərli hədiyyələr təqdim olunub.

“Ustalar Klubu”nun təlimləri gələn həftə də digər rayonlarda davam etdiriləcək.

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.8876
  • ₽ RUB
    0.0257