SƏNAYE

Rumıniya "Cənub Qaz Dəhlizi"nin genişlənməsində iştirak edəcək
05 AVQUST
94

Rumıniya "Cənub Qaz Dəhlizi"nin genişlənməsində iştirak edəcək

2019-08-05 11:31:00

Rumıniya hökuməti ölkənin Energetika Nazirliyi, "Transqaz" şirkəti və "Cənub Qaz Dəhlizi" məşvərət şurası arasında "Cənub Qaz Dəhlizi"nin Balkan və Mərkəzi Avropada genişlənməsi mərhələlərində Rumıniya-Bolqarıstan interkonnektoru və Bolqarıstan-Rumıniya-Macarıstan-Avstriya (BRUA) boru kəməri infrastrukturunun istifadəsi üzrə əməkdaşlığın potensialı barədə Anlaşma Memorandumu imzalayıb.

Qeyd olunur ki, Rumıniya-Bolqarıstan interkonnektoru, eləcə də BRUA layihəsi Xəzər və Aralıq dənizlərindən, Yaxın Şərq və ya Mərkəzi Asiyadan təbii qaz mənbələrinin Mərkəzi və Qərbi Avropa bazarlarına inteqrasiyasını təmin edəcək.

Tikintinin başa çatmasından sonra BRUA Macarıstana ildə 4,4 milyard kubmetr, Bolqarıstana 1,5 milyard kubmetr qaz nəql etməyə imkan verəcək.

Nazirliyin məlumatında bildirilir ki, bu təşəbbüs bir tərəfdən Rumıniyanın və Avropanın Xəzərin qaz ehtiyatlarına çıxışını təmin edir, digər tərəfdən isə BRUA-nı Mərkəzi Asiyanı Avropa ilə əlaqələndirən nəqliyyat sisteminə bağlayır.

© Trend

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.8876
  • ₽ RUB
    0.0257